Фестиваль кечээ Бишкекте Чыңгыз Айтматовдун чыгармасынын негизинде жазылган “Кош бол, Гүлсары” кинотсамасы менен ачылды. 26-октябрга чейин созула турган бул фестиваль Айтматов чыгармаларынын он күндүгүнүн алкагында өтүп жатат. Бул күндөрү көрүүчүлөргө жазуучунун чыгармаларынын негизинде тартылган кинотасмалар, сүрөт көргөзмөлөрү, спектаклдер сунушталат. Айтматов күндөрүнүн алдында президент Курманбек Бакиев иш чаранын катышуучуларына кайрылып, таланты менен рухий дүйнөсүн элине арнаган кыргыздын бул уулу мамлекет турганда, эл турганда түбөлүк жашайт деп билдирген. Айтматов 80 жаш курагында 11-июнда көз жумган. (BuS)
