Буга байланышкан меморандумга бүгүн АКШнын Кыргызстандагы элчиси Татиана Гфеллер, ЮСАИД уюмунун башчысынын милдетин аткаруучу Эндрю Р. Сигарс, Саламаттык сактоо министри Марат Мамбетов кол коет. Бул меморандум кыш мезгилиндеги электр кубатынын таңсыктыгын азайтууга өкмөткө кол кабыш кылуу максатын көздөйт. Документтин негизинде ЮСАИД саламаттык сактоо мекемелеринин реанимация, операция, төрөт бөлүмдөрү үчүн кошумча генератор сатып алууга, орнотууга көмөктөшүп, аларды пайдаланууну үйрөтөт. Бул тууралуу маалыматты АКШ элчилиги таратты. (BuS)
