Партия лидерлеринин бири Марат Кайыпов Бишкек пресс клубуна президент, эгер, партиянын сунуштарын эске албаса ноябрдын аягында “Жаңы Кыргызстан” саясий акция өткөрүү жагын караштырат деп билдирген. Мурдагы коргоо министри Исмаил Исаков жетектеген “Жаңы Кыргызстан” октябрдын аягында президентке ачык кайрылып, анда өкмөттү кетирүүнү, кадрларды, энергетика саясатын өзгөртүүнү талап кылган. Ошол эле мезгилде бул партия өзүн оппозициядамын деп санабайт. Мамлекеттик катчы Досбол Нур уулу жана президенттин кеңешчиси Үсөн Сыдыков аталган партия лидерлеринин катарында турушат. (BuS)
