Ишемби күнү партиянын баш катчысы Исмаил Исаков “Акыйкат үчүн” кыймылга кирген партиялардын лидерлери менен сүйлөшүүнүн экинчи бөлүгүн өткөрөт. Бүгүн болсо Исаков Азимбек Бекназаров башында турган Элдик революциялык кыймылдын лидерлери менен сүйлөшүүлөр өткөрдү. Анда тараптар өз позицияларын ортого салып, биригүү жана кызматташуулардын жолун такташты. Мындай сүйлөшүүлөр улантылат. Элдик революциялык кыймылдын 20-декабрга белгиленген акциясына “Жаңы Кыргызстан” партиясынын катышуусун партиянын саясий кеңеши чечет. Бул тууралуу Исмаил Исаков бүгүн “Азаттыкка” билдирди.(AiT)
