Ооганстанда өткөн жылы согушкерлердин кол салууларынан жана террорчулуктан 4 миң жакын тургун набыт болгон. Бул тууралуу ооганстандык укук коргоо уюму тараткан билдирүүдө айтылат. Буга чейин Бириккен Улуттар уюму чыгарган маалыматта 2008-жылы 2 миң адам мерт кеткени айтылган. Ооганстандык укук коргоочулардын маалыматы боюнча набыт болгондордун үчтөн эки бөлүгү террорчулуктун жана согушкерлердин курмандыктары болсо, 1 миң 100 адам эл аралык күчтөрдүн аракеттеринен улам мерт кеткен.
