Укук коргоочу Максим Кулешовдун билдирүүсүндө, Биринчи май райондук прокуратурасы анын арызын алуудан баш тартып жатып, акыры алган. “Эгер алар арызды кароодон баш тартса мен сотко кайрылам, ал жактан да жооп болбосо, укугумду коргоо үчүн анда эл аралык инстанцияларга чейин барам”-дейт укук коргоочу. 2009-жылдын 29-январында Максим Кулешов уюштурган “Президенттик 100 грамм” акциясы милиция кызматкерлеринин кийлигишүүсү менен токтотулган. Сот Максим Кулешовдун аракетинен эч кандай укук бузууну таба алган эмес. Ал милиция кызматкерлерине баш ийбегендиги үчүн гана 500 сом айып акыга жыгылган.(AzK)
