Бүгүн расмий Ташкен Ооганстандагы анти-террордук иш-аракеттерди колдоого багытталган аскердик эмес жүктөрдү Өзбекстандын аба мейкиндиги аркылуу ташып өткөрүүгө расмий Вашингтонго уруксат бергенин жарыялады. Бул тууралуу маалымат жыйынында сүйлөгөн президент Каримов совет доорунда Кремл Ооганстандагы согуш үчүн жүк ташууда Өзбекстандын эч макулдугуна кызыкпагандыгын, эми болсо ар өлкө өз саясий кызыкчылыгына ылайык мындай маселелерди өз алдынча чечиши керектигин баса белгиледи. “Интерфакс” маалымат агенттининин кабардашынча, Ташкенге сапар менен келген түркмөн президенти Гурбангулы Бердымухаммедов да АКШнын гуманитардык жүктөрүн Түркмөнстандын аба мейкиндиги аркылуу Ооганстанга өткөрүүгө расмий Ашгабат да макулдугун бергенин айткан.
