Жергиликтуу бийликке БЭКтин ушу аптада бүткүл өлкө боюнча нааразылык акциясын өткөрүү маалымдамасы 19-мартта тапшырылган. Бирок,ал маалымдамага расмий түрдө жооп кайтарыла элек. Мындай билдирүүнү «Азаттык» 22-мартта БЭКтин Токтогул районундагы башчысы Тынычбек Иманалиевден алды. Анын айтымында «Асаба,» Ата Мекен» социал-демократиялык партиялардын райондогу өкүлдөрү 27 –мартта митинг өткөрүүгө камданууда. “Алар БЭКтин президент К.Бакиевди кызматтан кетирүү талабын кубатташып,ошол күнү райондун борбордук аянтында өлкөдөгү социалдык- экономикалык абалды талкуулоону чечишти”, - дейт Т. Иманалиев. (YA)
