Жалпы республикалык тестирлөөнү бул жылы да ЮСАИДдин каржылык көмөгү астында Билим берүүгө баа берүү борбору өткөрүүдө. Бул тууралуу Билим берүү жана илим министрлигинен кабарлашты. Маалыматка караганда, тестирлөөгө каттоо абитуриенттердин окуган жеринен 25-марттан 14-апрелге чейин жүргүзүлөт. Ал эми өткөн жылдын бүтүрүүчүлөрү өздөрү жашаган жериндеги райондук жана шаардык билим берүү бөлүмдөрүнөн каттоодон өтсө болот. Аталган министрлик 2002-жылдан тартып пайдаланылып келаткан бул методду паракорлук менен күрөшүүнүн жакшы жолу катары баалап келатат. (КЕ)
