Бул тууралуу бүгүн Түндүк Кореянын мамлекеттик жаңылыктар агенттиги кабарлады, бирок иштин башка чоо-жайы, журналисттерге кандай айып тагылып жатканы айтылган жок. Алар мындан эки айча мурда Кытай менен чек арага жакын жерден кармалышкан. Түндүк Кореянын маалымат каражаттары мурдараак теги корей америкалык журналисттер Лора Лин менен Юна Ли өлкө аймагына мыйзамсыз киргени жана “душманчыл” иштери үчүн айыпталганын билдиришкен. Түндүк Кореянын Кылмыш кодекси боюнча чек арадан мыйзамсыз киргендер үч жылга чейин эмгек лагерине жөнөтүлөт.
