29-июнда боло турган Эл аралык конференцияга Кыргызстандан премьер-министр Игорь Чудинов башында турган өкмөттүк делегация катышат. Бул тууралуу өкмөт башчынын маалымат катчысы Айбек Султангазиев бүгүн “Азаттыка” билдирди. Маалыматка караганда, конференцияда Борбор Азия регионунда, анын ичинде Кыргызстандагы уу калдыктарын зыянсыздандыруу, бул ишке донорлордун, МАГАТЕнин салымы талкууланат. Андан сырткары Швейцариянын Берн шаарында бизнес-форум болуп, ага Кыргызстандан ишкерлердин тобу, премьер-министр катышат. Форумда Кыргызстандагы инвестициялык кырдаал, ишке ашырылып жаткан долбоорлор жөнүндө сөз болот.(AiT)
