“Таза шайлоо үчүн” кыймылы шайлоо өнөктүгүнө карата өзүнүн төртүнчү баяндамасын жарыялады. Баяндамада 9-15-июлдагы шайлоо күндөрүнө байкоо салынып, президенттикке талапкерлердин арасында үгүт маалында тең салмактуулук болбой жаткандыгы айтылат. Кыймыл жетекчиси Гүлмира Баратбаеванын айтымында, ушу күндөрү бийлик административдик ресурсту колдонуп, тараза ташын өз пайдасына тартууда. Бүгүн кыймыл "Ала-Тоо" аянтында биринчи жолу шайлоого катышып жаткан жаштар үчүн акция өткөрүп, анын алкагында добуш берүүнүн жол-жобосу тууралуу маалымат берет. (EK)
