Ирактын премьер-министри Нури ал-Малики Күртистан автономиялык районунун лидери Масуд Барзани жана өлкө башчысы Жалал Талабани менен сүйлөштү. Анда башкы тема – мунайга бай Киркук вилайетиндеги жер талаш маселеси болду. Тараптар сүйлөшүүлөр натыйжалуу болгонун белгилешти. Буга чейин Киркук маселеси боюнча мунасага жетишүү мүмкүн эмес деп эсептеген автономиялык райондун лидери Масуд Барзани сүйлөшүүлөр жолу менен бул маселени чечүүгө мүмкүн болгонун билдирди.
