АКШ президенти Барак Обама жана Орусиянын лидери Дмитрий Медведев стратегиялык куралданууну кыскартуу тууралуу жаңы келишимди даярдоо ишин тездетүү жөнүндө макулдашышты. Орусиянын президентинин басма сөз кызматынан кабарлашкандай, жаңы келишим тууралуу эки өлкөнүн лидерлеринин телефон аркылуу сүйлөшүүсү маалында сөз болду. Азыркы келишимдин мөөнөтү ушул жылдын декабрь айында бүтөт. Мындан сырткары Обама менен Медведев Грузия, Иран жана Жакынкы Чыгыштагы кырдаалды талкуулашты.
