“Демократия жана жарандык коом үчүн” коалициясынын башчысы Динара Ошуракунова Кыргызстандын акыйкатчысына, Жогорку Кеңешке жана Президентке кайрылат. Бул тууралуу ал “Азаттыкка” берген интервьюсунда билдирди. Йоханесбург шаарында өткөн жарандык коомду өнүктүрүүбоюнча жыйындан кайтып келаткан укук коргоочуну кечээ чегара кызматкерлери “Манас” аба майданындагы документ текшерүү бекетинде кармап калышкан. Себебин Улуттук Коопсуздук Комитетинин тапшырмасы менен байланыштырышып, бирок, бир сааттан кийин кетиришкен. Муну укук коргоочу бийликтин коркутуу аракети катары баалады. (BuS)
