АКШ долларынын наркы төмөндөп, базарда кымгууттук жаратып, алтындын бир унциясынын баасы Нью-Йорктогу базарда кечээ 1045 долларга чыгып, эң жогорку чегине жетти. Лондондук гезит арап өлкөлөрү, Кытай, Орусия, Жапония жана Франция өз ара сүйлөшүп алып, мунайды соодалоодо АКШ долларынан баш тартаарын кабарлагандан кийин алтындын баасы ушундай секирик жасады. Макалада аты аталган өлкөлөр бирок гезиттеги маалыматты төгүндөп чыгышты.
