Бирок бул ирет постсоветтик аймактагы өлкөлөрдүн жети президенти гана ага катышууда. Борбор Азиядагы беш өлкөдөн бирөөнүн – Кыргызстандын – гана президенти Курманбек Бакиев саммитке келди. Калгандары өздөрүнүн өкүлдөрүн гана жиберишти. Грузия болсо КМШнын катарынан чыкканын жарыялап, бул жолу саммитке катышкан жок. Жогорку деңгээлдеги жолугушууда экономикалык кризис, коопсуздук жана гуманитардык багытта кызматташуу маселелери талкууланаары айтылды.
