АКШнын президенти Барак Обама саламаттыкты сактоо тармагын реформалоо планын Сенаттын комитети колдогонун жылуу кабыл алды. Обама өлкөдө саламаттыкты сактоо тармагын реформалоо үчүн кошумча 829 млрд.доллар акча сураган. Президенттин айтымында, анын планы жөнөкөй америкалыктарга медициналык колдоо алууга жол ачкан ыңгайлуу шарттарды түзөт. Сенаттын каржы комитетинде шейшембиде оппозициялык республикачылдар партиясынын бир гана өкүлү ага каршы добуш берген болчу. Учурда Америкада 46 млн.адамда медициналык камсыздандыруу күбөлүгү жок.
