Оппозициялык саясатчы Исмаил Исаковдун 300гө чукул тарапкери учурда Алай районунун борбору Гүлчөдө акиматтын алдында чогулушуп, соттун адилет чечим чыгаруусун, И.Исаковдун генералдык чинин кайра кайтарып берүүсүн талап кылып турушат. Эгерде алардын талаптары аткарылбаса бүгүндөн баштап Ош-Эркеч-Там авто жолун бууй тургандыктарын айтышууда. “Алар генерал И.Исаковго боштондук!”, “ Адилетсиз сотторго наалат!”, “Бийликке эл нааразы”,-деп кыйкырып турушканын И.Исаковдун бир тууганы Рапия Исакова “Азаттыкка” билдирди. (AJ)
