Эки ортодогу экономикалык жана саясий маанилүү маселелер боюнча талкуулар майдын этегинде башталат. Бул тууралуу Кытай тышкы иштер министрлигинин өкүлү билдирди. Сүйлөшүүлөргө Google интернет компаниясы менен болгон жаңжал жолтоо боло албайт. Google компаниясы жергиликтүү цензурадан улам өзүнүн айрым программаларын Кытайдын аймагынан Гонконгго которуп кеткен эле. Компания бул чечимин быйыл январда Кытайдын аймагынан киберчабуул жасалганы менен түшүндүрдү.
