Президент Барак Обама Израил премьери Бинямин Нетаняху менен жабык мүнөздө аңгемелешти. Бүгүн Вашингтондо израилчил коомдук уюмдардын мүчөлөрү менен жолугушуп, Нетаняху Иерусалимдин чыгыш танабындагы мааларда үй курганга Израилдин укугу бар деп билдирди. Нетаняху палестиналыктар менен түзүлө турган ар кандай келишимде Иерусалим Израилдин ажырагыс бөлүгү бойдон калат деп ырастады.
