Кыргызстандын убактылуу өкмөтү президент К. Бакиев менен сүйлөшүүлөрдү жүргүзбөйт жана сүйлөшүүлөргө барбайт деп билдирди бүгүн “Азаттыкка” убактылуу өкмөттүн аппарат жетекчиси Эдил Байсалов. Анын айтымында, ошол эле учурда өкмөт К. Бакиевдин коопсуздугун камсыз кылышы керек. “Анткени ар кандай уюшкан жарандык топтор келип, бизге курал-жарак бергиле, биз аны барып табабыз, өчүбүздү алабыз, анын көзүн тазалайбыз деген аракет көп болуп жатат”,-деди Эдил Байсалов.
