Польшанын мамлекеттик ПАП жаңылыктар агенттигинин билдиргенине караганда, 10-апрелдеги авиакырсыктан каза тапкан Лех Качиньскинин эгиз бир тууганы Ярослав Качиньнски мамлекет башчылыгына өзү лидерлик кылган “Мыйзам жана адилеттүүлүк” партиясынан көргөзүлүүдө. Качиньски өзү чечими тууралуу бүгүн жарыялары күтүлүүдө. Ал эми бийликтеги “Жарандык платформа” партиясы мамлекет башчылыгына учурда президенттин милдетин аткарып жаткан Бронислав Коморовскини көрсөттү. Польшадагы мөөнөтсүз президенттик шайлоо 20-июнда өтөт.
