Убактылуу өкмөттөн кабарлангандай, Казакстан Кыргызстанга гуманитардык жардам катары төрт миң тоннага жакын күйүүчү май убада кылган. Анын биринчи партиясы кечээ түнү келди. Казакстандан келген күйүүчү май Кант менен Балыкчыга жеткирилди. Кыргызстандагы нефтетрейдерлер ассоциациясынын башчысы Базарбай Мамбетов “Азаттыкка” 10-майдан тарта Орусиядан май ташылып келе баштайт, деп маалымдаган. Орус өкмөтү 1-апрелден тарта сыртка сатчу майга бажы төлөмүн киргизгенден бери расмий Бишкек ал жактан май сатып ала элек болчу. (EBM)
