Кечээ Дэвид Камерондун Британиянын премьер-министри болуп дайындалышы консервативдүү партияны 13 жылдан кийин кайра бийликке алып келди. 43 жаштагы Камерон 200 жылдай мезгил аралыгындагы эң жаш британ премьери болуп калды. Өткөн жумадагы шайлоодо консерваторлор парламентте баарынан көп орун алышты, бирок өз алдынча өкмөт түзүүгө жетиштүү мандаттарды жеңе алган жок, андыктан эми либерал демократтар менен коалиция түзмөкчү.
