Бүгүн Бишкекте Венеция Комиссиясынын эксперттеринин катышуусунда “Кыргыз Республикасында Конституциялык реформа” деген аталыштагы тегерек үстөл жыйыны болот. Анда Конституциянын жаңы редакциясынын долбоору талкууланат. Бул тууралуу ЕККУнун Бишкектеги борборунун медиа кызматынан билдиришти. Маалыматка караганда тегерек үстөлгө Убактылуу өкмөттүн төрайымы жана мүчөлөрү, Конституциялык кеңешменин, саясий партиялардын, жарандык коомдордун өкүлдөрү жана эл аралык уюмдардын, Европа Комиссиясынын өкүлчүлүгүнүн, Венеция Комиссиясынын эксперттери катышат. (AJ)
