Өкмөт муну жакынкы күндөрдө жасайт. Думада сөз сүйлөп, Россиянын тышкы иштер министри Сергей Лавров келишимде тигил же бул тараптын эч кандай артыкчылыгы жок деп ырастады. Документ АКШга ракетадан коргонуу системасын өнүктүргөнгө тыюу салбайт, кокус Вашингтондун планы Россияга коркунуч туудура баштаса, Москванын келишимден чыгып кеткенге укугу бар. Стратегиялык куралдарды кыскартуу тууралуу келишимге президенттер Барак Обама менен Дмитрий Медведев мартта Прагада кол койгон.
