Европа Биримдигинин тышкы саясат жана коопсуздук боюнча жогорку өкүлү Кэтрин Эштондун маалымат катчысы Maja Kocijancic Кыргызстандагы жалпы элдик референдум тууралуу «кечээ Кыргызстанда бейкут өткөн референдумду жылуу кабыл алдык. Бул өлкөдөгү демократиялык процесстер жана конституциялык тартипти кайра куруу үчүн алдыга карай маанилүү кадам экендигин билдирет» деди телефон аркылуу «Азаттыкка». Ошондой эле ал кыргыз бийлигин ЕККУнун байкоочулары аныктаган чекиликтерди алдыда боло турган парламенттик шайлоолорго чейин четке кагууга чакырды.
