Бул тууралуу Пакистандын коопсуздук өкүлдөрү билдирди. Алардын айтымында, учкучсуз башкаруудагы америкалык учак Ооганстан менен чектеш Түндүк Вазирстан чөлкөмүндө эки кыштакты бутага алган. АКШ акыркы эки айдан бери Пакистандын Ооганстан менен чектеш аймагында, согушкерлердин жабыты деп саналган жайларга учкучсуз башкаруудагы учактар менен ракеталык сокку урууну күчөттү. Пакистан мындай аракеттерге расмий каршылыгын билдирген, бирок жашыруун түрдө колдойт деген пикирлер бар.
