Жогорку Кеңештин бүгүнкү жыйынында “Ата-Журт” фракциясынын депутаты Нурзат Осмонова депутаттык ыйгарым укуктарынан баш тартып, мандатын тапшырды. Осмонова атасы менен кызынын парламентке чогуу келгени коомчулукта ар кыл пикирлерди жаратканын белгилеп, мындай чечимин туугандары менен кеңешип кабыл алганын, өзүнүн ордун дагы татыктуу адамга тапшырууну туура тапканын билдирди. Анын атасы Курманбек Осмонов да парламенттин депутаты. (KKs)
