Чүй облусунун Ички иштер башкармалыгынын ыкчам-иликтөө иштеринин натыйжасында "куралды мыйзамсыз жашырды" деген шек менен 8-февралда Сокулук районунун тургуну кармалды. "Манас" аба майданына кеткен жолдон колго түшкөн шектүү адамдан “Вальтер” үлгүсүндөгү тапанча, октолгон магазин жана октор табылган. Куралды мыйзамсыз алып жүрүү жана ташуу факты боюнча кылмыш иши козголуп, иликтөө, тергөө амалдары жүрүп жатканын Ички иштер министрлигинин маалымат кызматы маалымдады. (КЕ)
