Мьянмадагы катуу жер титирөөдөн 1 киши каза тапты. Дагы бир киши кошуна Таиландда набыт болду. Айрым имараттар кыйраганы кабарланууда. Бирок зилзала ири залака алып келген жок. Күчү 7 баллга жеткен эки силкинүүнүн очогу Таиланд жана Лаос менен чек араларга жакын жерде орун алган. Жер титирөө Бангког менен Ханой шаарларында да сезилди. Ханойдо бир нече бийик имараттардан адамдар эвакуацияланды. Зилзаланын очогу жээктен өтө алыс жайгашкандыктан, ал цунамиге алып келген жок.
