Кыргыз өкмөтү адам сатуу боюнча айыпталгандарга жазаны катаалдаштыруу демилгесин көтөрүүдө. 11-майда Эмгек, калкты иш менен камсыз кылуу жана миграция министри Алмазбек Абытов Жогорку Кеңештин Укук тартиби, мыйзамдуулук жана коррупцияга каршы күрөш комитетинин жыйынында адам аткезчилиги менен алектенип кармалгандарды 8 жылга эркинен ажыратуу боюнча мыйзам долбоорду жарыялады. Буга депутаттардын арасынан каршы чыккандар болду. Жыйын соңунда бул мыйзам долбоор кайра иштеп чыгууга жөнөтүлдү жана тартип коргоо органдарына соңку беш жылдын ичинде адам аткезчилиги тууралуу анализ жасоо тапшырылды. (EBM)
