Бул тууралуу “Азаттыкка” Сатыбалды Нааматов атындагы Нарын мамлекеттик университетинин эл аралык байланыштар бөлүмүнөн кабарлашты. Маалыматка ылайык, жаңы ачылган бул борбордо каалоочулар жапон тилин үйрөнө алат. Андан сырткары борбор аркылуу облуска долбоорлор тартылат. Борбордун ачылыш аземине Жапониянын Кыргызстандагы элчиси Маруо Син, жергиликтүү бийлик өкүлдөрү жана университеттин мугалимдери, студенттери катышты. (ErB)
