Анжелина Жоли сириялык качкындар менен жолугушууну көздөөдө

Голливуддун жылдызы Анжелина Жоли Түркияда баш пааналаган сириялык качкындар лагерине барууну көздөөдө. Түркиянын Тышкы иштер министрлигинин расмий өкүлү билдиргенине караганда, БУУнун Качкындар комиссариатынын ак ниет элчиси болгон актрисадан тиешелүү өтүнүч түшкөн. Апрелде Жоли Ливиядан Туниске агылган качкындардын абалы менен таанышып келген.

Түрк расмий адамдарынын ырастоосунда, соңку күндөрү Сириядан Түркияга 8 жарым миңге жакын киши качып, баш калкалаган.