АКШнын коргоо министри Роберт Гейтс Конгресс Ливиядагы аскерий операцияга чегерилген каражатты азайтпоого тийиш деп эскертти. Муаммар Каддафинин күчтөрүнө каршы багытталган соккулар натыйжалуу аяктайт деп боолголойт Пентагондун башчысы. АКШ депутаттары Конгресстин жактыруусун албай туруп куралдуу күчтөрдү Ливиядагы аскерий чараларга тартуу канчалык мыйзамдуу деп суроо коюшууда. Өткөн аптада Өкүлдөр палатасынын төрагасы, республикачыл Жон Бөнер Конгресс Ливиядагы операцияга жумшалган акчаны кыскартышы мүмкүн деген эле.
