АКШ президенти Барак Обама Ооганстандагы америкалык аскерлерди чыгара баштоо планын эртең жарыяламакчы. Обама АКШ контингентин июл айында чыгаруу жана 2014-жылга чейин Ооганстандагы коопсуздукту камсыздоо вазийпасын жергиликтүү армияга өткөрүп берүү пландарына токтолот. Бирок президент чыгарыла турган аскерлердин санын жана мөөнөтүн аныктай элек. 10 жылдан бери уланып келаткан согушка байланыштуу президентке кысым күчөөдө.
