“Жашылдар” партиясы президенттикке талапкерин аныктады

“Жашылдар” саясий партиясы бүгүн Бишкекте V курултайын өткөрүп, анда быйыл күздө өтүшү күтүлүп жаткан президенттик шайлоого партия атынан Эркин Бөлөкбаевдин талапкерлигин көрсөттү. Курултайга 200гө чукул делегат катышты. Президенттикке партия атынан эки талапкер көрсөтүлүп, жашыруун добуш берүүнүн жыйынтыгында партия төрагасы Бөлөкбаевдин талапкерлиги көбүрөөк колдоо тапкан.

Буга чейин "Ата-Журт", "Бүтүн Кыргызстан" партиялары президенттик шайлоого талапкерлерин көрсөткөн. (EK)