Бүгүн Брюсселде өтө турган жыйындын алдынан Еврокомиссиянын төрагасы Хосе Мануэл Баррозу: “Евробиримдиктин лидерлери Грециянын карызы боюнча тезирээк бир чечимге келишпесе, анын кесепети глобалдык экономика үчүн оор болот”, - деди. Шаршембиде Германиянын канцлери Ангела Меркел менен Франциянын президенти Николя Саркози Берлинде жолугушуп, грек экономикасына 115 млрд.евро жардам көрсөтүүнүн шарттары тууралуу сүйлөшкөн.
