Чет өлкөдөгү атуулдар Кыргызстанда инвестициялык кор түзүшөт

Бул тууралуу "Замандаш" ассоциациясынын жетекчи орун басары Айдар Олжобаев "Азаттыкка" билдирди. Анын айтымында, чет өлкөдө жакшы иш таап, бизнес ачкан кыргыз жарандарынын демилгеси менен бул корду түзүүнүн долбоору иштелип чыгууда.

Жакында бул долбоор өкмөткө, Жогорку Кеңешке жөнөтүлөт. Аталган инвестициялык корго чет жактагы жарандар акча которуп, ал каражат менен Кыргызстанда жумушчу орундарын түзүү багытында иш алып барылат. Кордун алгачкы капиталы ачыктала элек. (KKs)