Кечээ Шабан айынын акыркы күнү болгонун, дүйшөмбүдөн тарта Рамазан башталаарын Сауд Арапстандын падышалык соту билдирди. Мына ушундай эле билдирүүлөрдү кечээ башка арап өлкөлөрүнүн – Египет, Иордания, Кувейт, Бириккен Арап Эмираттары – жана башка мамлекеттердин Ай эсептөө комиссиялары таркатышты. Дүйнөдө көпчүлүк мусулмандар, анын ичинде Борбор Азия мамлекеттериндеги мусулмандар да, Сауд Арапстандын эсеби менен орозо тутушат. Шийи мусулмандары адатта орозону Ирандын эсебине карап баштап жүрүшкөнү маалым.
Бүгүн көпчүлүк мусулман өлкөлөрүндө ыйык Орозо айы башталды
