Йеменден келген кабарларга караганда, баш калаа Санаада кечээ коопсуздук күчтөрү президент Али Абдулла Салехке каршы акыркы айлардагы эң ири демонстрацияга каршы ок ачты. 26 киши курман болуп, көп сандаган демонстрант жарадар экендиги маалымдалууда. Июн айындагы кол салуудан Саударабстанда дарыланып жаткан Салехтин Йеменде мамлекет башында турганына 30 жылдан ашты. Сегиз айдан берки толкундоолор жарды өлкөнүн экономикасын тумчуктуруп койду.
