Чүйдөгү Аламүдүн районуна караштуу Лебединовка айылынын "Бакыт" конушунун тургундары жашоо-шартын оңдоону талап кылып бүгүн жол тоскону жатышат. Аталган конуштун тургуну Фархат Турдакунов 1,5 жылдан ашык убакыт мурун таза суу үчүн түтүктөрдү орнотууга жол казылып салынганын, бирок эмдигиче иш ары же бери болбой турганын “Азаттыкка” маалымдады. Анын айтымында, айылда электр жарыгы да проблема болууда. Маалыматка караганда, "Бакыт" конушунда 500гө жакын түтүн бар, бул жерде эл 1989-жылдан баштап отурукташа баштаган. (EBM)
