Ливия 15 айда мунай өндүрүүнү мурдакы чекке жеткирүү ниетинде

Ливиянын мамлекеттик мунай компаниясынын башчысы Нури Берруйен жекшембиде өлкөнүн мунай өндүрүү көрсөткүчү учурда атуулдук согуш башталганга чейинки көлөмдүн төрттөн бирин гана түзүп жатканын, жакынкы 15 айда ал мурдакы калыбына келээрин билдирди.

Берруйен Ливиянын өткөөл өкмөтү мурда кол коюлган келишимдерди сактоо ниетинде экенин кошумчалап, андан аркы мунай келишимдеринин тагдырын шайлоодон кийинки келген бийлик чечээрин да кошумчалады.