Жалал -Абадда генерал Замир Молдошевдин тарапкерлери митинг өткөрүштү. Митинг облбийликтин алдында эртен мененки саат 10до башталган. Алар абакка жатканга чейин президенттик аппараттын коргонуу жана коопсуздук бөлүм башчысынын орунбасары болуп турган Молдошевди камактан бошотууну талап кылышты. Митингчилер менен губернатордун 1-орун басары Жумагул Эгембердиева жолугушуп, алардын талаптарын жогорку бийликке билдирүүгө убада берди. Бул тууралуу "Азаттыктын" кабарчысы Ырысбай Абдаримов билдирди. (YA/RK)
