Ливиянын жетекчиси Каддафинин өлүмүн иликтөөгө буйруду

Ливиянын убактылуу кеңешинин жетекчиси өлкөнүн мурдагы лидери кандайча өзү туулган шаарда тирүү колго түшкөндөн кийин башына ок жеп көз жумганын тергөөгө буйрук бергенин жарыялады. Бүгүнкү пресс-конференцияда Мустафа Абдул-Жалил Каддафинин өлүмү боюнча карама-каршы кабарлар келип жаткандыгын белгилеп, өткөн бейшембидеги окуяны Улуттук Убактылуу Кеңештин комитети иликтей тургандыгын бышыктады. Абдул-Жалил ошондой эле Каддафини аны өзүнүн эле колдоочулары өлтүрүп салган болушу керек деген божомолун кошумчалады. Кошмо Штаттары, Британия жана укук коргоочулар жарадар Каддафини козголоңчулар өлтүрүп салбагандыгын иликтөөгө чакырышкан.