Жогорку Кеңештин "Республика" фракциясы эгерде Өмүрбек Бабанов премьер-министр боло турган болсо гана коалицияга кирет. Ушундай шарт коюп жатканын фракция лидери Канатбек Исаев "Азаттыкка" билдирди. Анын айтымында, дүйшөмбүдө президент Алмазбек Атамбаев парламенттеги фракциялардын бирине коалиция түзүү мандатын тапшырат. Бүгүн парламенттеги коалиция курамынан социал-демократтар чыгып кетишти. Бул коалициянын жок болгонун түшүндүрөт. (KKs/RK)
