Бишкек ишкерлер клубу жана Жапониянын эл аралык өнүгүү (JICA) агенттиги 21-январь күнү кышкы туризмди жарнамалаган фестиваль өткөрөт. Иш-чара “Тогуз Булак” тоо-лыжа базасында өтүп, сатылган билеттерден түшкөн каражат Ош жана Жалал-Абаттагы балдар үйлөрүнө берилет. “Аталган шаарлардагы балдар үйлөрүнө эмне жардам керек экенин сурап кайрылдык, китеп, муздаткыч сыяктуу буюмдарды сатып берүүбүздү өтүнүштү”, - дейт иш-чаранын уюштуруучусу Мирбек Токтогараев “Азаттыкка”. Кышкы туризмди даңазалаган мындай иш-чараны Бишкек ишкерлер клубу жыл сайын өткөрүп келет. (JAk)
