Ооган президенти Хамид Карзай Түркмөнстанга ырасмий визит менен келди. Түркмөн маалымат булактарынын кабарлашынча, президент Гурбангулы Бердимухаммедов менен болчу сүйлөшүүлөрдө Түркмөнстан-Ооганстан-Пакистан-Индияны туташтырган газ куурун куруу маселеси талкууланат. Ошондой эле эки өлкөнү бириктирген темир жолду куруу, Ооганстандын мунай кендерин Түркмөнстандын жардамы менен иштетүү жөнүндө да сөз болот.
