Линктер

дүйшөмбү, 25-сентябрь, 2017 Бишкек убактысы 19:39

Француз аскерлери Ооганстандагы миссиясын улантышат


Франциянын аскерлери Ооганстандагы машыктыруу миссиясын улантышат. Бул тууралуу президент Николя Саркози Парижде Ооганстан мамлекет башчысы Хамид Карзай менен жолугушуудан кийин билдирди. Франциялык контингент пландалгандай эле 2013-жылдын этегине чейин Ооганстанда кала бермекчи. Бир аптадай мурун франциялык 4 аскерди ооган армиясынын жоокери атып кеткенден кийин Саркози контингентти эрте чыгаруу жөнүндө эскерткен. Европаны кыдырып жүргөн Карзай бейшембиде Италиянын премьер-министри Марио Монти менен кездешкен. Ошол эле күнү Германия парламенти өз контингентинин Ооганстандагы мандатын 1 жылга узартуу үчүн добуш берип, ошол эле маалда аскерлердин санын 1-февралдан тартып кыскартуу чечимин кабыл алды.
XS
SM
MD
LG